SIKLUS!

Bespreek SIKLUS! nou vir u geleentheid

Kontak Elna Botha by:

Tel 082 706 9717 of 082 436 9790

info@gouedrome.co.za   

Faks: 086 514 6775

Carina Renz - 'n SIKLUS!-lid het ook reeds haar solo-album, ONTHOU, vrygestel. Sy tree ook as solosangeres op by enige geleentheid. Sy is 'n sterk Vicky Leandros aanhanger en geniet dit om hierdie DIVA se werk by haar repertoire in te sluit.

Marinus van Rooyen is een van die SIKLUS!-lede met 'n tenoorstem wat jou hart sal laat smelt. Marinus is ook bekend as Suid-Afrika se Roy Orbison en tree by verskeie venues landwyd op met sy besonderse stem. 

Anja Swart is die jongste lid van SIKLUS! en met haar diep, baie diep stem geniet sy dit om Amanda Strydom en Sarah Theron se werk voor te dra.

Emile Doubell is die SIKLUS!-lid wat die "malkoppie" van die groep genoem word. Met sy plesierige persoonlikheid en puik sang verower hy talle meisies en selfs ouer dames se harte in 'n ommesientjie.

Hier is wat SIKLUS! alles kan aanbied:

• Optredes by korporatiewe geleenthede - SIKLUS! kan multi-kulturele geleenthede ook hanteer.

• Geleenthede waar multikulturele byeenkomste plaasvind - SIKLUS! (groep of/en solo) is in staat om 'n sekere aantal Zoeloe, Xhosa, Fanagalo, Franse, Afrikaanse en Engelse liedjies te sing tot groot vermaak van teenwoordiges.

• Optredes by feeste, konserte en ander geleenthede waar daar byvoorbeeld NET SIKLUS!-repertoire verlang word - dus geen "covers" (deksnitte nie). Indien "covers" ook ingesluit moet word, sal SIKLUS! graag aan hierdie versoek voldoen.

• SIKLUS! kan byvoorbeeld 4 ure per dag optree deur een solo gleuf per SIKLUS!-lid aan te bied, 'n een uur gleuf met DUETTE VIR AFRIKA en 'n een uur gleuf met SIKLUS!-liedjies (en waar versoek gemeng met "covers"). Dus is dit ideaal vir feeste waar 'n volle dag se program volgemaak moet word met kwaliteit musiek - ons kan dit doen en dit selfs versprei oor meer as een dag.

• Spesiale optredes by ouetehuise, kinderhuise, kerke en ander instansies waar 'n wye verskeidenheid musiek en tussenin vermaak verlang word. Verskeie borge wil graag groepe soos SIKLUS! gebruik om plesier aan mense te verskaf wat nie altyd by ander venues kan uitkom om goeie musiek te hoor nie.

• Valentynsdag-aanbiedings, Moedersdag en Vadersdag aanbiedings, Vrouedag aanbiedings, Kersfeesvertonings, wat ookal die besondere geleentheid is.

• Dit is belangrik om kennis te neem dat die lede van SIKLUS! ook elkeen solokunstenaars in eie reg is en dus 'n wye verskeidenheid van musiek kan aanbied.

• SIKLUS! kan ook by skole, selfs gedurende skooltye, optree om 'n spesiale boodskap of gedagte by die leerders tuis te bring, of bloot net vermaak aan hulle te verskaf. SIKLUS! is gesteld daarop om voorbeeldig te wees vir kinders en jongmense en hierdie beeld is aansteeklik.